【你咪理，我爱你！】有信心撼赢星爷？　王祖蓝：香港需要歌舞片

贺岁片《你咪理，我爱你！》今日（29日）举行首映礼，导演王祖蓝率一众演员出席，而当中大部分都是TVB的艺员，除了TVB艺员外，更有不少明星好友前来撑场，场面星光熠熠，可见祖蓝人脉之广。

点击下图观看场面如何星光熠熠：

对于第一次做导演，祖蓝表示：“今日好多谢咁多嘅朋友嚟到呢到撑场，无论系有喺套戏出现嘅、还是系特登嚟撑场嘅朋友，都多谢晒你哋。因为我今日好紧张，好需要大家嘅支持，我先至可以轻松啲。”今次选择歌舞片为电影主题，香港已经很久没有这类型的电影，祖蓝说：“正正因为香港近年冇乜点拍过歌舞片，我觉得香港都需要有一部，而且贺年吖嘛，有歌有舞、跟住听得好High、又有喜剧、又有爱情，我谂就可以滋润每一个人嘅心。”谈到贺岁片的档期，劲敌众多，祖蓝表示电影市场百花齐放是最好的，又趁机宣传电影：“不过歌舞片只得我哋一部，所以要拣就睇我哋啦！”

今晚老婆李亚男亦特意前来撑老公场，祖蓝表示过了电影宣传期就会与老婆李亚男飞回老家照顾女儿，尽显顾家的一面，又表示接下来要好好慰劳老婆：“过咗宣传期就会同老婆一齐去旅行啦，因为佢呢段时间，由陀bb去到坐月都不停戒口，希望一完咗就可以同佢去旅行。”