【开心速递】安仔竟然大只过潮生　周嘉洛现实是“隐性肌男”

在昨晚（31/1）播出的《爱．回家之开心速递》506集中，金城安（周嘉洛饰）怀疑他妈妈熊尚善（滕丽名饰）和其男朋友潮伟（袁文杰饰）有生育小孩的打算，金城安为了独享资源想出一系列的法子意图损害潮伟的生殖能力，包括：喷杀虫水、喝咖啡、穿紧身裤和带他去焗桑拿等。而在桑拿一幕，周嘉洛亦罕有地展现其健硕的身材，使观众大为惊讶。周嘉洛予人的印象一直都是青靓白净，没想到原来在帅气的面容下还收起了一副好身材，平时收收埋埋，到底他是什么时候开始秘密练功的呢？

周嘉洛接受《香港01》访问时便大谈自己的操肌史：“如果话一啲体能嘅运动，唔系做Gym健身𠮶一种，我谂就十六岁左右，𠮶阵喺外国留学就有做开掌上压，但就冇特别去做Gym。因为细个觉得举重系对长高冇帮助，反而有害，所以就冇去做到。”说到去健身房健身，周嘉洛就说其实自己只去过两次：“如果真系去房健身、举铁之类，其实入行之后一直都有呢个谂法，但就觉得唔系特别急嘅，因为又唔系要大只嘅形象，另外就系自己好懒啦。咁早两三个月前有开始去咗两次，就真系跟一个教练练。”

问到是不是知道出镜要展示身材才开始做Gym，周嘉洛便否认：“都唔系，其实我自己去完Gym同未去Gym之前嘅分别唔大嘅，始终去做Gym仲要配合饮食、戒口、作息、饮蛋白奶粉之类，呢啲我未开始做嘅，短时间之内应该都唔会谂住。因为我唔系想要好大只，平时做掌上压或者体能嘅运动都系想着衫好睇啲。其实冬天之后个几月我都冇做过，所以而家都好瘦弱，对比起拍𠮶场戏嘅时候。”又分享拍那场戏的趣事，觉得袁文杰的胸肌真的好大、震波好劲，而自己只是缩膊头，同一场戏自己在另外三个人面前只是班门弄斧，认真谦虚。

点击图辑看【开心速递】周嘉洛骚肌画面：

虽然周嘉洛没有特别想操成肌肉男，但他也有自己维持身形的一套方法，就是坚持做掌上压：“厉害嘅时候我谂每日几百个，我又唔会畀自己一个目标，今日一定要做到几多组、或者几多下，通常都系想做就做，最多一组可能六十下，通常普普通通就二、三十下做几组。”

饮食方面他又表示自己没怎么戒口：“饮食方面都系吸收多啲蛋白质啦，有一段时间因为我唔想饮奶粉，所以就食多啲蛋白质去增加肌肉量，咁我就食好多蛋，我谂每日五只，但我听返啲同事讲其实蛋系好少蛋白质，如果系操练嘅话其实影响唔大。我谂少食甜、咸、油，我自己都唔钟意浓味嘅食物。其实应该要注意饮食嘅，但我又冇特别去留意，我都系个贪食嘅人嚟嘅，如果𠮶期唔系要练大只我都会食零食。”

【周五心意运动】您捐一封$50利是，已可为基层送上温饱，01心意呼吁您支持【香港青年协会】 ，每$50即可制作5碗爱心汤和心意礼物：https://heart.hk01.com/zh/project/10095