【开心速递‧有片】单身佛系男周嘉洛：缘份到自然会有拖拍
撰文： 张嘉敏
出版：更新：
凭住无线处境剧《爱·回家之开心速递》饰演金城安一角而入晒屋的周嘉洛，为惜食慈善义卖汤水活动担任店长，惹来大班市民粉丝围观同帮衬支持。有唔少市民趁嘉洛离开时都纷纷上前要求自拍合照，他亦来者不拒，表现非常亲民。问到嘉洛可有遇过疯狂粉丝，他说：“疯狂就无遇过，好热情嘅就有，不过佢哋应该系本身个人热情，而唔系因为见到我先表现得咁热情，佢哋会捉实我影相，一手揽埋嚟，搭膊头同揽腰咁，又或者同我面贴面，会闻到啲味道，例如汗味同头油味。我会认住佢哋，下次见到我会缩后啲。”
平日工作咁辛苦，嘉洛的妈咪当然有煲汤水给他啦。嘉洛表示：“我妈咪会针对我热气定寒凉嚟煲汤畀我饮。”问到他将来的女朋友要否识煲汤，他说：“唔使，我煲埋畀佢饮咪得啰，我依家唔识煲汤，咁可以学㗎嘛，煲汤系中国重要嘅饮食文化同烹调技术，我觉得好值得学。”单身的他又笑言自己是佛系男，对恋爱抱住顺其自然的心态：“缘份到自然会有拖拍。”