【开心速递】周嘉洛希望挑战高难度角色：会演得开心啲同享受啲

周嘉洛于《爱‧回家之开心速递》入面饰演的金城安，完全是现今呢代年轻人的写照，他亦以自然的演技演活了这个角色。那么他又觉得自己似唔似金城安呢？嘉洛表示：“其实金城安系包含咗周嘉洛喺度，我自己本身都钟意打机，又比较懒散，钟意hea，唔系好积极，比较被动，同金城安差唔多咁废。”话虽如此，不过嘉洛强调自己在工作方面绝对不敢怠慢。

作为一个入行只有3年的新人，今年只得22岁的嘉洛当然有很多角色都想尝试。提到金城安与朱凌凌 (吴伟豪饰) 是剧中其中一对好受欢迎的CP，要嘉洛演hehe角色可会接受？他说：“梗系得啦，做演员就系要演绎唔同嘅角色，咩角色我都接受得到。”

他亦有看过去年那套话题英剧《The End of the F***ing World》，男主角Alex Lawther所演的James一角令他留下深刻的印象，嘉洛说：“我绝对想演呢个角色，佢做到我做唔到嘅嘢，我唔知自己做唔做到，希望第时有机会可以试下。对自己信心系要有嘅，但都要有自知之明，知道自己系咩位置，唔急得，要慢慢嚟。”他坦言金城安好似自己所以演得比较轻松：“演啲唔似自己嘅角色就系挑战，可以满足我嘅戏瘾好紧要，愈难度高嘅角色愈会演得开心啲同享受啲。”

摄：陈顺祺        场地提供：铜锣湾迷你酒店