【友台VIP】周家蔚无惧曾投资失败再战美容王国︰资金会再加大

由靓妈周家蔚主持的ViuTV节目《友台VIP》今日（4日）在湾仔进行录影，她透露5岁时已经跟著婆婆入厨学煮𩠌，已入厨三十年，可说是经验老到：“好记得细过嘅时候，婆婆要包饺子，我会入厨房睇住婆婆点样将啲菜揸水，然后我哋会一齐做，我公公本身开酒楼，因为爹哋、妈咪系宁波人，所以对食都好有要求好嘴刁，所以令我对煮嘢食提升咗兴趣。”

由家蔚投资过百万的童装生意早前不幸结业，最近再有好消息，她表示：“依家有内地投资者愿意投资再帮我搞返起个童装品牌，我老公帮我倾紧，始终呢个品牌系我当年在节目中赢取了十万蚊去创业，又系我送畀大仔一岁生日嘅，所以意义好重大，希望可以搞得番。”

有过失败经验，但家蔚无畏无惧，最近再与友人投资过百万合作做美容生意，可说是另一番挑战：“今次我哋嘅美容产品有近过百种，在资金方面力度会加大，因为要做货，不过经历之前嘅经验，吸收咗好多做生意嘅细节，好多嘢都要亲力亲为，以前小朋友好细，依家比较会多咗时间，可以睇紧啲。”