【专访】ViuTV艺人李蔓莹踩入KOL界开Live 同观众斋倾偈拒行性感
“网络直播”一词，相信对现今都市人而言并不陌生，但到底看直播的“意义”何在？一位会看游戏直播的“观众”，看直播主的“意义”是为了学习更高的技巧，或直播主的趣味性游戏方式；一位看唱歌直播的观众或者是听“歌手”的演唱听腻了，希望听一些较贴地的歌声。
最近ViuTV艺人李蔓莹（Renee）除了身兼原有的节目主持和活动司仪的工作之外，亦投身于直播行列，在“Uplive”开设频道当一位不定时“直播主”（此辞汇源自内地，即是开直播的人），她不会玩游戏、没有唱歌、没有玩乐器、没有教化妆、没有教运动、没有教下厨，但依然大受网民欢迎，原因何在？
以发放正能量为己任
问：在开live期间，你通常会做甚么？
Renee：最主要系同大家倾偈，其实我嘅直播最想就系大家都开心。啲网民通常都系问我节目啲嘢系咪真，例如同杜汶泽一齐拍𠮶个节目咁，会问我有关个厨房嘅嘢，好多奇怪问题，咁我都会一一解答。有啲人都会悄悄话同我讲啲心事，例如学业上嘅问题，家庭上嘅问题，或者系男女朋友嘅问题咁，我都有问佢哋点解连心事都会同我讲，佢哋觉得个感觉真系好似朋友咁，又或者佢哋本身嘅朋友真系唔多，就系想我去畀啲意见佢，带一啲正能量畀佢哋，我系可爱同开心乐天派！
开live的矛盾
问：又要拍节目，又要做司仪，直播工作如何兼顾？
Renee：开live其实某程度上对我嚟讲都系一个矛盾，因为我通常都钟意喺我嘅私人时间去开，但又同紧好多观众去讲一啲我好私人嘅嘢，呢个矛盾我觉得几得意，因为明明个空间度得我一个人，但同一时间又有好多人同我倾紧偈，我好钟意呢个感觉。
拒行性感
问：社交网站入面，经常见你大派福利性感骚身材，在live中亦会作差不多的打扮？
Renee：唔会，如果真系要追溯返，我唔系成日都post，我只系间唔中会post，post只系因为真系去游船河，真系去沙滩，咁我梗系著泳衣啦，唔通着樽领咩？呢个系正常嘅场合！如果我系要行性感嘅，咁我平常都会著得性感啲啦！如果系卖身材嘅话，喺节目上我都卖啦，Deep V啦，系咪先？但我唔系呀嘛！咁我相信大家都会清楚我到底系咩路线。如果要行我一早行咗啦，我意思系话我后生啲嘅时候，唔洗等到而家，（有心唔怕迟？）我就系无心！
无需猜度观众
问：总会有人因为你的身材和样貌而看你直播，对此你有什么看法？
Renee：佢哋Follow我嘅话我会多谢佢哋，例如佢哋赞我嘅相咁，系一件正面嘅嘢嚟，所以无谓要谂到咁负面，因为当你去开一个社交网站，就会系想多啲人睇，就系想同人分享，我唔会去猜度每个人到底谂啲咩，因为控制唔到，点解唔自己谂得乐观啲呢？
Renee啲IG相，其实几养眼：
系Friends定系Fans？
问：既然你会将自己的私人事向网友分享，网友又会向你分享心事。你可否说明一下你与网友之间的关系？
Renee：讲真，好似朋友咁。即使我同我一啲真系认识嘅朋友，或者系中学同学呀，都唔会成日都见到面，始终大家出嚟做嘢都好忙，虽然我同佢哋（网友）系冇见过面，但个感觉都好似系一啲好耐冇见过朋友咁，我每个星期开live，咁就成个星期冇见面喇，所以佢哋对我嚟讲都系朋友。同埋我好少会讲系我啲fans，因为我自己唔系好钟意呢个字眼，我会话系我啲Friends啰，因为我哋嘅相处都系同朋友一样，又何需要标签偶唔偶像呢？
后记：直播主与观众 关系如“笔友”
既非得到有用的资讯，亦非求养眼满足好奇心，但又能够留住观众继续追live，或者就是凭住一种“可靠的虚无”。正如Renee所说，她与网民的关系很莫名其妙，既有真正朋友般的交心，却无朋友间生理上的互动，既互不相识，却又相知。
记得多年前白韵琹的电台节目《尽诉心中情》，听众就凭一个电话向白姐姐倾诉心事，或倾倾闲偈，真实中却互不相识；更贴切的，可谓多年前流行的“笔友”非常类似。或者最佳的倾诉对象，就是与自己全无关系，生活上互不抵触，不会怕“我爆你大镬”、“用秘密要胁你”等等尴尬场面。
Renee就是拥有一种让人畅所欲言的感觉，心无城府，即使她未能给“朋友”最佳的建议或解决方案，也总能被她傻气感染，看看她的直播，起码能令心情放松。