【女人四十】正式约满ViuTV　阿旦唔抗拒签TVB：钱未必系最重要！

田蕊妮主持的节目《女人四十》播出以来，受到不少女性观众热棒。最新一集，田蕊妮就邀请34岁阿旦（邓洢玲）和化妆导师Gaby一同到内衣店寻找最适合自己的Bra。但不少观众看见阿旦上节目，一度以为自己眼花，分不清自己在看TVB还是ViuTV。

阿旦曾是施念慈旗下的模特儿，2011年参加参加now TV举行的“CEO选拔赛”得到亚军，之后正式加入now TV做艺员，主要帮Now观星台做主持。2016年开始，阿旦兼埋ViuTV嘅工作，并主持《的士Go》和《晚吹- 啪啪声，太好听》等节目，ViuTV主持的形象在观众心中根深柢固。阿旦接受《香港01》时透露自己已回复自由身，她称：“其实我自由身咗成年，上年3月已经无约喺身，但因为仲有啲节目未完，就转用部头约方式合作，但都系去到7、8月左右。（同ViuTV合作咗几耐？）由now开始计都五年左右。”

至于为何要离开ViuTV，阿旦就坦言不想再框死自己：“其实近年我都尝试做唔同嘅工作，好似开按摩店做生意，又出钱请crew拍旅游片摆上YouTube，嚟紧都会拍一啲同足球有关的节目，亦都会同内地网络平台倾合作。（会唔会唔舍得娘家？）点讲好呢，喺娘家有自己节目，仲有机会做唔同合作系好事，但我觉得自己要进步，依家都度紧搞Talk Show同出旅游书。（咁忙咪冇时间拍拖？）以前就系花太多时间拍拖，人生目标净系想结婚生仔，所以依家会花多啲时间喺工作上。”

问到与田蕊妮是否相熟，阿旦就称：“又唔算超级熟，互相认识。不过拍呢个节目之前我哋都有出嚟开过会，倾咗好多关于女性角度嘅问题。（试Bra怕唔怕尴尬？）唔会，都拍得好自在，而且有得同唔同嘅平台合作好开心。（会唔会想转签TVB？）有机会合作当然开心啦。（怕唔怕人工低？）睇发挥机会，钱未必系最重要。”