【机场特警】汤洛雯为剧狂减十磅　与张振朗拍感情戏是最大挑战？

汤洛雯（靓汤）昨晚（21日）出席电视剧《机场特警》杀青饭聚，在剧中饰演一名空姐的她笑称自己与其他饰演特警的演员相比拍摄过程相对轻松：“好多群戏、喺机场的特训戏我都唔需要嘅，所以我啲戏通常都系喺冷气场所度舒舒服服嘅！”

靓汤称自己虽然不用像特警们一样操fit体能，不过由于空姐制服很贴身，所以在拍摄过程中努力不让自己暴食：“依家杀咗青终于可以暴食！为咗套戏我都起码减咗10磅，虽然仲距离我个目标都仲有一段距离，但都系一个好开始。”她亦透露自己在戏中与张振朗有咀嘴戏而感到很尴尬：“我同佢演锡戏真系一个好大嘅挑战，因为我同佢两个本身相处嘅方式就系大家寸来寸去，平时成日笑嘅，所以当大家真系要拍感情戏，有啲锡嘅场口就会忍笑，真系超难！”

昨日靓汤在社交网站上上载了一张《机场特警》的剧照并配上容祖儿《双冠军》的歌词中的“我永远爱你但我未能投降让步答允”，被人揣测是不是与前男友罗天宇和陈滢同游嘉年华有关，靓汤笑称：“其实我依家每一次发一啲有关爱情嘅post都已经被人对号入座咗，所以我已经习惯咗，我谂大家对我嘅感情状况都比较关心，所以都好想知道究竟我嘅感情发展系点而有啲联想，多谢大家关心，我依家感情好富足，即使single都好ok呢个状态，”