【机场特警】张振朗排骨仔变爆肌男：每日200下掌上压系基本

张振朗过去一直给人“排骨仔”形象，平日瘦底的他突然唔声唔声吓你一惊，上月在社交网站上公开一张半裸照露出六旧腹肌，成功摇身一变跻身大只型男行列，令不少网民大呼：唔认得！

张振朗透露自己连续花了两个月时间，每天歇斯底里地健身，原来是为了在投入拍摄TVB新剧《机场特警》前作准备而锻炼：“因为接咗角色，希望可以同呢个职业嘅体格接近一啲。本身做机场特警系比较fit嘅，我无理由咁瘦嘅！虽然都仲争一段距离，但系都已经尽咗我嘅能力啦。”

张振朗说最辛苦的并不是锻炼的过程，是要每天工作过后，等到凌晨两三点时拖著疲累的身躯做gym，更加试过险些晕倒：“因为𠮶时我拍紧另一套剧，所以只好收工时间先去做到，所以通常都系喺唔够瞓嘅情况下做，好挑战到人体嘅韧性！”他指现在在拍摄《机场特警》时的体力劳动已经很大，所以不再需要额外做gym了：“200下掌上压已经系机场特警嘅基本需要嚟啦，要两个钟头不断举哑铃，我哋仲要上山下海，又要擡木杉搬车呔，有好多形形式式嘅嘢畀我哋去训练。”他说虽然过程辛苦，但觉得一切都是值得的。

相信十个有十个健身的人都会吃烚鸡胸肉、烚鸡蛋等这类高蛋白质的典型“操肌食物”，张振朗当然也不是例外，但在面对美食引诱时，又该如何招架？“开工时夜晚公司都会有啲卤水鸡髀，我成日都会要求‘宵夜留定两只畀我唔该！’我自己再搣晒啲鸡皮，攞啲水冲到干干净净先至食！”他说自己都算有定力依足健身餐单进食，但一星期都会有一餐稍为放松一下奖励自己。

经常拍摄《美女厨房》，岂不是会破坏了需要严格遵守的饮食餐单？张振朗反而觉得有“帮助”：“我通常食完《美女厨房》嘅嘢我系会呕返出嚟，因为难食到呕啊！不过又可以帮手去到厕所，反而系好咗嘅，哈哈！”

点击下图观看张振朗的爆肌男之路：