汤洛雯圣诞节竟然冇男仔约：系咪正常有人约㗎？
撰文： 赵允琳
出版：更新：
汤洛雯（靓汤）今日（5日）出席美妆品牌活动，身为女人当然少不了一支唇膏旁身，靓汤说自己经常都会袋一两支红色和橙红色唇膏在身上，自己在家中有多达一百支唇膏：“成日都会分啲畀阿妹同妈咪咁就ok，佢哋又可以用，又可以摆喺佢哋间房，咁就唔会咁混乱啦！”
临近圣诞，靓汤已经预计要参加多场圣诞派对：“我啲朋友已经约好晒啦，可能大家都知道我系single所以觉得我好易约！（现时有没有男士约你去看圣诞灯饰？）而家又真系冇㖞，冇男仔约我圣诞节啊，点算啊？哈哈，系咪正常有人约㗎？”靓汤说对另一半没特别的要求，只要心地好、易沟通、专一，她就谂得过！
《万千星辉颁奖典礼》在16日举行，连续第二年被提名“飞跃进步女艺员”的靓汤表示自己对奖项没太大压力，反而更看好其余四位女艺员得奖：“就系唔tip自己！（准备好战衣未？）未，揾紧，我自己本身唔系成日同一个style嘅，我系比较钟意新鲜感，所以睇下今年会有咩新鲜感，又或者唔新鲜先系最新鲜嘅嘢！”