跨年彩排《短暂的婚姻》缺席《叱咤》？ 林海峰：而家烦紧呢样嘢
由著名剧作家庄梅岩编写剧本、方俊杰担任导演的《短暂的婚姻》舞台剧版，将于下月（2019年1月）公演，剧中4位主角 ── 潘灿良、林海峰（Jan）、杨诗敏（虾头）以及禤思敏，今天（14／12）一同于新蒲岗彩排并接受传媒访问。问到今次跟“剧帝”（香港舞台剧奖最佳男主角）潘灿良首度合作感觉如何，阿Jan直言“失望”，“好可惜，对手戏真系太少，呢个编剧（庄梅岩）真系好‘离谱’，我简直‘中招’！”
编剧庄梅岩拒为《短暂的婚姻》写电影版剧本：我做唔到一鸡几味！
阿Jan惊讶：点解潘灿良可以咁“松”？
提到对于阿灿给自己感觉如何，阿Jan记起4年前和葛民辉演出三谷幸喜的舞台剧《笑の大学》（软硬版，2014）后，有机会出席“香港舞台剧奖”的情境，“坐低之后我见到两样嘢，第一就系见到韦罗莎真人，佢喺我隔篱，之前冇睇过佢演出，但有睇过佢啲片；当时我见到佢同佢先生一啲好短嘅交流，再加埋佢上台嘅反应，我觉得同呢个人合作会系一件好好嘅事，结果后来真系有《搞大电影》（2017）。”
另一个就系见到阿灿。“又系冇睇过佢演出，但知道佢嘅大名，佢对我嚟讲好深刻嘅印象就系，点解呢个人上到台上面可以咁‘松’嘅？可能我误解啦，其实佢系‘迤’（Hea），哈！因为我系一个做任何工作，都会偏向好‘紧’嘅人，（观众都觉得你好“松”呀）唔系啦，我呢啲系‘假松’，我唔系睇佢演出，我只系睇佢领奖，就好奇点解佢可以咁‘松’？你知我哋做惯《叱咤》，啲人上去领奖都系喊晒，好似死屋企人咁样，所以见到阿灿咁，我就觉得，咦，如果能够可以喺佢身上学习到，吸收到呢一种‘松’，对我身体嚟讲可能系有益嘅，点知冇几耐就有人打嚟问我，有冇兴趣做呢个剧！”
阿灿看罢《笑の大学》 强推阿苏入场观摩林海峰演出
至于潘灿良贵为本地剧场界的“大师兄”，早已身经百战，很多人都觉得他对于任何演出皆游刃有余，然而知道今趟要跟林海峰合作，他也直言颇有压力！“当年去睇佢演《笑の大学》嘅，真系睇一场，哗一场，可能我哋呢啲惯咗有‘职业病’，可能我平时见到佢系做栋笃笑呀，做司仪呀，或者系主持电台节目呀，你只系会见到佢自己（真实）一面，但我喺呢个剧真系睇到，佢好认真咁喺度揾紧𠮶个角色，呢样嘢系我冇预期，我真系被佢吸引咗！所以我好深印象，返去立即同阿苏（苏玉华）讲，佢真系要揾张飞去睇，我觉得呢个演出系需要睇，我都吸收咗一啲嘢！”
游大东其他文章：
【回忆备份】冲出香港夺亚洲奖项 柯炜林：节目有质素总会被看见
《我和僵尸有个约会》变亚视神剧有段古 编剧陈十三爆无线走宝：佢哋唔要！
【新加坡直击】Netflix新剧讲毒 戴高路拿：一剧不能代表墨西哥
【新加坡直击】Netflix首办亚洲高峰会 张孝全新剧30秒片花曝光
全民期待《叱咤》讲两句？ 阿Jan：今次好似系等古天乐㖞！
提到《短暂的婚姻》将于2019年1月11日首演，意味4位主角将要跨年彩排，问可会影响阿Jan明年元旦档期，不会亮相《叱咤》讲两句？阿Jan坦言相当烦恼：“你唔好问呢个问题喇，我而家日日都喺度烦紧呢啲嘢，（点解烦紧？冇时间写讲稿？）哗，呢个系可以写几万字嘅文章畀你㖞大佬，好复杂㗎，但我睇下点样简单啲答你。首先你问，明年《叱咤》会唔会冇我份？呢个系充满善意定系恶意嘅先？系想我唔喺度，定系话好想睇我？（相当善意呀，好多观众人都系等你出嚟𠮶幕呀！）唔系㖞，今次系等古天乐㖞好似，（等你颁畀古天乐吓嘛？）即系我出嚟，就系古天乐出嚟嘅时候吓嘛？（你觉得佢拎奖机会大唔大？）拭目以待！”
【叱咤】古天乐轻松入五强 Mirror刚出道已够资格同Supper对撼？