【短暂的婚姻】虾头自爆每段情主动出击：爱情唔靠自己争取点得？
撰文： 赵允琳
出版：更新：
虾头（杨诗敏）今日（10日）出席舞台剧《短暂的婚姻》记者会。在舞台剧中将会饰演一位律师，虾头更为角色做好功课，更称简直是人生一大挑战：“其实我冇做过专业人士㗎，我通常接嘅角色都系比较草根啲，一系就俾人虾，一系就系虾虾霸霸，喜感比较重。”
剧中的角色对感情非常进取，现实中是不是也是这样？虾头自爆从来未被追求过，但每次都是自己主动出击：“我追佢嘅手法唔会话好主动地话‘我而家摆明去追你啦’，但我会成日喺𠮶个人身边出现，然后令佢好留意我。又会识哂佢身边啲朋友，同佢身边啲人熟咗，见见吓做咗朋友之后就会喺埋一齐。（咁都几有机心㖞！）爱情，你唔靠自己争取，点得㗎？你遇到个钟意嘅人，唔通话‘你嚟追我啦！’咁咩？自己要争取自己想要嘅嘢！”
对于婚姻又有什么看法？虾头称：“两个人喺埋一齐系咪一定要一纸婚书去确认我哋嘅关系呢？因为唔喺婚姻制度下我哋都可以一生一世㗎嘛。又或者系我暂时未揾到一个人系会觉得我一定要同佢结婚嘅人。”她说除非突然有了小朋友才会有结婚的念头：“有小朋友你要填出世纸始终都要有父母嘅名，如果唔系咪变私生子？可能咁就会结婚啰，但最好唔好咁啦！哈哈！”