【是咁的，法官阁下】角色被老公hurt尽　王君馨更珍惜婚姻

台庆剧《是咁的，法官阁下》进入结局篇，主角范小宇（黄智贤饰）和Ophelia（王君馨饰）夫妻之间的矛盾亦开始解开，最新一集讲到黄智贤到教堂告解后，终于向王君馨坦诚二人婚姻存在第三者，更直言：“就算喺我哋最亲密嘅时候，我个心都系谂住佢！”，令王君馨怒掴他后伤心离去。剧集一出，即时引起热烈讨论，更有网民表示相当同情王君馨的角色。

讲起这场戏，王君馨接受《香港01》访问时都忍不住表示：“呢句应该系世间上最难听嘅说话！佢嘅意思等同我从来都冇爱过你一样。而呢一句说话唔系男朋友讲，而系你嘅老公，一个你以为可以一生一世倚靠的人，真系会令Ophelia完全崩溃。（听完系咪好有冲动推阿Ben落山？）我有问导演，其实女人听到呢句说话应该会踢佢落山。”王君馨更笑言黄智贤亦认同这个提议，更称：“执返我啲手手脚脚就冇问题，但系服装整污糟咗好难赔。”

点击下图遂格重温二人摊牌画面！

虽然这句说话如此难听，但王君馨称仍然要多谢范小宇对Ophelia坦白：“虽然决绝到不得了，但系总算令Ophelia真正放低，如果范小宇唔讲呢句，佢可能一世都放唔低，亦都打唔开个心，俾更值得嘅人进入，所以女仔要好好珍惜自己嘅价值。”

Ophelia一角刚开始时并不讨好，种种疯狂的行为都令观众不解，更有网友质疑编审安插这个角色的意义，王君馨亦坦言自己亦觉得这个角色很难明：“其实我用咗好多时间去了解Ophelia，佢好唔理性而且我同Ophelia好唔相似，系我就一早飞咗范小宇，唔系，应该系话我一定唔会咁快闪婚，睇定啲，了解清楚，先结婚！”

王君馨又指这个角色看似难度不高，但挑战性十足：“其实Ophelia思维同我好唔同，佢真系一个好感性同执着嘅人。因为我系基督徒，好多嘢都可以交俾上帝，所有嘢都系神掌握之中，但Ophelia唔可以当佢基督徒，佢冇一个支柱，所以佢会去自杀。或者佢会因为被范小宇冷落，希望喺其他人身边得到一份爱，嚟填补佢嘅空虚，就算佢同她姊妹𠮶场咀咀戏，其实佢都唔系同性恋，系好缺乏爱，而呢位好姊妹可以俾佢好任性做啲唔啱嘅嘢，因为根本唔系𠮶样嘢！”

饰演Ophelia一角更令王君馨去思考自己的婚姻，她称：“Ophelia 令到我好珍惜我依家嘅婚姻，虽然等左12年，但系我同先生嘅基础打得好深，好稳定，亦都有牧师嘅辅导，我相信我哋会一直咁行落去。”王君馨更扬言，就算身边有比老公更完美的人出现，她都依然会选择老公，因为这才算是真正进入婚姻。

虽然曾被网友批评角色发挥不大，更责怪编剧浪费了王君馨，但她反而觉得这个角色好人性化：“我希望自己演绎嘅角色系人性嘅，人就系唔完美，太完美嘅人会唔真实，好难同佢connect（连系） 到，我觉得Ophelia 因为佢嘅不完美，同埋佢嘅遭遇，都会同某啲女仔有共鸣。而且我自己觉得神比我每一个角色都有佢想我学嘅嘢。”