【是咁的，法官阁下】苏可欣处女剧做黄子恒前度　获赞眼神够绝

台庆剧《是咁的，法官阁下》踏入结局篇，最新一集讲到赖律师（黄子恒饰）和夏律师（麦明诗饰）找来赖律师前女友兼调解员Terry（苏可欣饰）处理侍应索偿案，双方律师争持不下，但最终麦明诗凭细心缓和气氛，成功调解案件。当中苏可欣要一口气解释调解员如何协助调解双方达成协议，避免对簿公堂，对新人来说可谓一大挑战！

首次正式拍剧的苏可欣，拍摄前深怕会NG造成别人不便，因此她事前做足功课：“今次拍呢场戏讲咁长对白，其实我好兴奋。因为呢套戏系我入行以嚟第一次真正拍嘅剧，所以惊背唔熟啲对白，会系咁NG，所以我背咗好耐！（最后几多次先完成？）𠮶场戏我背得太多次， 所以冇乜点NG到。”

与黄子恒演对手戏　苏可欣获益食多

苏可欣又透露剧中和黄子恒有一场对手戏，她称：“其实有一场flashback嘅戏，佢知道我系新人，所以好多位都有教我点样去做。（佢系咪好照顾新人？）系呀，佢会教我点样走位同代入啲乜嘢感情落去，加上监制都有亲自嚟睇。（监制有冇赞你？）𠮶场系分手戏，佢话估唔到我啲眼神可以去到咁绝。”

为拍《3日2夜》　苏可欣揾教练操马甲线

苏可欣早前与郑衍峰去到泰国清迈拍摄旅游节目《3日2夜》，从她在IG上载拍摄花絮的照片，可见苏可欣明显清减不少，马甲线仍相当明显，她称事前的确有努力keep fit：“今次我特登揾埋教练操，操咗12日左右就出发，都减咗8磅。操嘅时候变咗一日食5餐，不过每餐都要磅住食几多克的蛋白质同饮增肌奶粉，食得好清淡。”

懒理绯闻　苏可欣每月放假即飞泰国

苏可欣曾被传与泰国电影《出猫特攻队》中的Nonkul（宾爷）做访问而挞着，问到她对“泰国”两字是否特别敏感时，她就大方称：“唔敏感呀，我仲好恨去泰国添。（着得咁性感泰国好朋友会唔会诈型？）冇所谓嘅，但我都有话佢知我喺泰国拍节目，到时节目出街叫佢支持下。（而家对泰国系咪特别熟悉？）基本上每个月都会飞过去泰国，因为我真系好钟意𠮶到。”

实爷正向洗脑：减肥系对自己身体好！

苏可欣亦提到辛苦减磅时，好友宾爷都有给予鼓励，她称：“系Non（宾爷）对每件事认真嘅态度令我咁肯去减肥，因为佢成日话自己都唔相信自己，咁一定唔会成功。仲成日话减肥系对自己身体好，做咗几多唔系为任何人，系为自己，正向洗脑。”