【是咁的，法官阁下】黄子恒麦明诗感情线成焦点：呢种关系好美妙

台庆剧《是咁的，法官阁下》播出以来，受到不少好评。除了饰演大律师的黄智贤和资深大律师的关礼杰演得入形入格外，饰演事务律师的黄子恒更被网友大赞是剧中“最有型律师”。黄子恒在剧中除了外形和演技均获大赞，他和下属麦明诗的感情线亦成为焦点。

剧中讲到上司下属关系的黄子恒和麦明诗渐生暧昧，但久久未能挞著。黄子恒接受《香港01》访问时就透露好享受与麦明诗的关系，他笑称：“其实喺剧入面，我同麦明诗系一种比较现代爱情嘅感觉，即系彼此都好明白大家。知道大家有啲，呢种关系系最美妙，算系一种神交。”他又指自己人生最被影响就是感情，他坦言：“其实我好多时都冇咩所谓，但偏偏最容易令我嬲或者发脾气，只会系另一半。可能有时行得埋会伤心，反面保持距离，几舒服。”被问言下之意是否暂时不考虑拍拖，他就笑言：“好女友可遇不可求，有时啲嘢拥有先失去，未拥有就唔会失去。我暂时都好享受同人保持一段距离嘅关系。”

黄子恒亦感谢观众对剧集的支持，他称：“因为我上年演好多奸角，今次终于演到一个正能量的角色。虽然演奸角都好好玩，但都惊观众会睇厌。（呢个角色难度大唔大？）都几大，因为呢个角色好多感情都唔系用对白嚟表达，所以好靠表情去演出嚟。而且依家演嘅时候，好少有得睇playback（回放），所以我虽然开紧另一部剧，但我都会追返每一集，睇自己表现成点。”

至于有眼利的网友发现TVB台庆当晚，发现黄子恒全晚仅仅只有两个镜头和还有开场时被问支持谁时，只有回答“蔡思贝”三个字，疑似被公司冷落。对此，他就解释：“其实通常台庆都冇嘢讲，多数都系坐定定。而且今年我冇份表演，我都觉得好彩嘅，因为开紧《机场特警》，冇时间练，废事跳得唔好又要上台。”对于12月举行《万千星辉颁奖典礼2018》有没有信心得奖时，他就称：“都有㗎，咁讲系咪好衰？但因为呢部剧真系好创新，成个团队都花咗好多努力，希望都有个奖励畀我哋。”