边个话减肥唔可以食宵夜？　每晚食30克加快新陈代谢有助减肥

减肥同护肤都是女人的终身职业，但绝对不是容易的事。正如不少艺人为了上镜望落瘦啲靓啲，都会不惜一切去减肥。就好似国际天后麦当娜（Madonna）咁，就算60岁都仍然保持Fit爆身材，佢为咗减肥而节食，但仍然坚持会亲自落厨煮饭，只是煮完之后唔会食，闻吓就当食咗。听落都真系几癫，不过各位女士唔使担心，其实减肥都可以有啖好食，唔止可以食宵夜，而且仲要系芝士！

好多人都话减肥最好唔好食芝士，因为芝士含嘅热量同脂肪都比较高，就好似以车打硬芝士为例，每100克嘅钙质含量，热量就高达412卡路里，相等于近2碗饭。不过根据外国一项研究结果得出，如果临瞓前30至60分钟食茅屋芝士（Cottage Cheese），对身体嘅整体健康斗会有好大帮助，除咗可以加快新陈代谢率，更可以修复肌肉。茅屋芝士属于软芝士，其实系制作芝士蛋糕嘅原材料，结构比较松，亦没有被压过，所以热量较低，而且含丰富蛋白质，仲不含盐份。就系因为咁，能够加快新陈代谢，有助减磅。

如果同100克嘅钙质含量嘅车打芝士相比，茅屋芝士嘅热量只仅有98卡路里，相等于3分1碗饭。茅屋芝士味道都较为淡，所以大家都可以选择配合生果或者沙律一齐食。不过，大家都应该注意，进食茅屋芝士嘅份量都唔好咁多，只好食大约30克，如果大家选择低脂嘅茅屋芝士，就最好唔好超过80克。呢个有助减肥嘅方法始终都因人而异，效果对不同体质的人来说会有差异，要达到良好嘅减肥效果，最好就做多啲运动，饮足够嘅水同少食加工食品，以免吸收过多热量。