【是咁的，法官阁下】被指似AV女优　林秀怡：我都有睇连登高登

台庆剧《是咁的，法官阁下》播出以来大受好评，剧集一反传统的律政剧讲述更多新晋律师的辛酸和业内鲜为人知的一面，为观众带来不少新鲜感。当中饰演大律师的林秀怡更凭住出色的演技，成功紧抓观众眼球，获网友大赞。

得知角色获得好评，林秀怡表示感谢大家关注：“好多谢大家啊，多谢大家有留意我，好感动。我哋其实收到剧本之后，都有做好多围读，俾所有演员了解吓每个角色嘅定位同性格。而且大家都有约埋一齐去法庭听审，听咗好多次，我哋要留意喺法庭上每一个职位嘅人系点，所以都比较真实，无咁多戏剧效果嘅戏，希望大家都会接受呢啲新类型剧集。”

虽然今次的角色好大发挥，但林秀怡就觉得角色难度未算太大：“呢个角色其实唔算系拍过嘅最大难度，反而系最新嘅尝试。因为自己未试过好平淡又好正经咁去做一套剧，都好开心观众嘅反应大部分都正面。”至于最难忘的场口，她直言是大结局：“我自己觉得最有感觉而又拍得最难忘𠮶场戏其实系大结局，因为呢套剧唔多唔少都讲紧现时香港嘅处境，而且好多都会牵涉到时事，每个香港人对而家社会都会有自己嘅一种睇法，而最后一场戏系讲大家经历咗风风雨雨后，香港人都会团结起来去面对。我哋一班律师就喺旺角街头同街坊们大合唱，当一大班人大合唱，同舟共挤嘅时候，有少少想喊，唔知点解会比𠮶种氛围感染到，抱有一个香港人团结嘅希望。”

问到剧中会否感情线，她就透露会与同房大律师黎振烨发展：“其实会同佢有一条淡淡嘅感情线，不过最后结果都好出人意表，留俾观众自己慢慢睇啦。（有冇亲热戏？）无啊，我都想有！”至于有网友发现她与日本AV女优水野朝阳撞样，她就笑言：“我有听过啊，其实我自己有上连登同高登𠮶啲，连我啲朋友都send比我话觉得似。我自己就觉得唔似，佢靓好多，身材都劲好多啦，点同佢比。不过，至少有人留意到我都开心嘅。”