【是咁的，法官阁下】歧视女律师？　律师任建峰：有朋友选择离开

法律面前男女平等？台庆剧《是咁的，法官阁下》日前播出的剧情就讲到女律师杨萍（叶凯茵饰）因拆帐问题，不满律师楼歧视女性而扬言：“你哋呢班男人，系咁虾我呢个女人。我一定要…一定要告到你哋甩裤！”剧中更多次提到客人偏向请男律师作为代表律师，因为觉得他们比女律师更“信得过”。到底法律界真的存在男女歧视吗？

点击下图重温剧情

对此，执业律师任建峰接受《香港01》访问时表示：“行内男女歧视绝对存在，但‘客’呢方面就越嚟越少，唔算严重。反而，法律界女律师‘难上位’的问题比较大。近几十年，其实法学院的女同学比男同学更加多，但点解能够成为资深大律师甚至合伙人仍然系男性较多呢？女律师能力绝对唔差，但佢哋其实要面对好多无形的障碍。”

对于无形障碍，任建峰解释指：“无形障碍系，例如好多人会认为女律师要嫁人，怕佢之后唔想做咁辛苦，所以唔会升女律师先，令佢哋要转做公司内部嘅法律顾问。仲有一方面，系女律师点做都‘死’。男律师‘以柔制刚’就畀人赞，女律师又会话佢哋撑唔到场。强硬啲又俾人话‘八婆’，有时都真系好阴功！”任建峰更透露身边的女律师朋友曾受到无形障碍而选择离开。

任建峰更强调业界要正视问题，他称：“其实呢个问题唔止法律界，系所有专业界都有呢个问题存在，甚至乎系会界计同工程界。其实依家比较有国际规模的律师行都开始鼓励女律师‘上位’，我觉得要改变嘅并唔系女性，佢哋一啲问题都冇，而系我哋呢班男人要变。”