【跳跃生命线】何广沛入训练班第一日已想做男一：我唔想浪费时间

如果我在无线当艺员的，会几妒忌何广沛，外型不在讲，最重要是命水，入行6年由路人甲到热播的《跳跃生命线》当第二男主角，同剧的马神马德钟当年挨了10年先有这个位置（《冲上云霄》，2003年），何广沛知道自己是幸运的，他很感恩，但不代表他没有实力，由踏入无线第一日，他已有很明确的目标：“入去训练班第一日，公司帮我哋拍咗条片，问我5年后、10年后想点？我当时答5年后我想有人喺街认得我，10年后我想担正……”心态决定境界，何广沛距离那个10年目标应该指日可待。

何广沛出身于小康之家、毕业于加州州立大学会计课程，明乎其实的计数佬，“我由细到大计数好叻，屋企人亦觉得我做会计好，𠮶阵我亦觉得好㖞，个个行业都要㗎啦，实有嘢做，但我见啲师兄师姐，读完出嚟，原来仲有排读㗎，每日好夜收工，啲补钟够放成个月假，出嚟做嘢仲要读书，我就谂...不如揾份自己做得开心㗎啦。”一个计数佬，偏偏选择一份没法计算兼风险极高的行业，何广沛自己都估唔到。

何广沛出道六年，已是第二男主角，但他自言收入不稳定：“呢行收入唔稳定，你呢套得唔等于下套又得，如果剧集反应唔好，咁连带嘅外快都会少，所以慢慢嚟啦，希望10年后可以有属于自己嘅剧集，买楼？先做咗10年计划先，再做20年嘅计划啦。”做大台小生，就算已经是剧接剧，原来买楼都要等廿年先有机会想，尤如你同我一样，何广沛给人感觉是理性的，连几多年去到那个位置一早计好，太理性的人其实应该不太适合当这一行。但有些人就是表面理性实质感性……

由如看主角的回忆片段，何广沛入行到现在共拍了32套剧，他对《跳跃生命线》似乎特别有感觉，“上网睇返首主题曲，见到啲画面，所有嘢涌晒入个脑，同咁多同事经历咗四个月，好辛苦但系好美好的时光，𠮶段时间可能系我都唔知点过，经常性半条人命咁去拍，而家谂返……都曾经拥有过呢个画面，而家睇返好感人，最后收视呀，口碑呀，呢啲已经唔重要喇，我谂就系呢种满足感，系拍剧先畀到我，其他工作揾唔到。”

服装赞助：Superdry 

点击下图观看何广沛型仔相（慎入，坚靓仔）：