【跳跃生命线】何广沛无惧危险场口放胆演 纪律部队步操最难掌握
撰文： 翁汉珑
出版：更新：
下星期开始《跳跃生命线》将正式进入结局周，何广沛今天（4号）现身为剧集宣传，他表示饰演纪律部队最难的是步操：“今次做救护员外型要求上唔洗太威猛，就算我唔算好阳刚都冇问题，反而最难系步操，因为你冇可能一嚟就做到，一定要经过几星期训练，有教官亲身指导先会有成果。”
早前张彦博就传出因吊威也时用力过猛导致颈椎受伤，何广沛庆幸自己从演以来都并未遇上危险的事故，更笑言自己在拍摄《跳跃生命线》时特别有安全感：“因为过往演员受伤都要赶去急症室，但今次就唔使担心，因为真正嘅救护员就系我哋隔离睇住我哋做，所以有啲咩要跨过玻璃、有车来来往往嘅场我都好放胆去做。”
马神撑做视帝 何：太大顶高帽！
提到马德钟推举自己角逐视帝，何广沛形容为“太大顶高帽”：“马神太擡举我啦，反而我就真系支持佢做视帝啦！我今年嘅目标系想拎“最佳电视拍档奖”，呢个奖我上年都攞过一次，同萧正楠同曹永廉一齐拎嘅，今年希望可以同张彦博、郭子豪再攞一次呢个奖。”
+4
收视若再升 叫刘佩玥穿泳衣“找数”
《跳跃生命线》下星期开始进入结局周，提到收视率上升到达35点时会否有所表示回馈观众，何广沛表示：“我30点已经找过一次数，今次就留返比之前未找过数嘅人啦，之前啊Moon话过会著件唔系三点式但‘有睇头’嘅泳装畀大家睇，大家可以期待下到底系乜嘢嚟。”