【跳跃生命线】张曦雯主动出击 到底何广沛定马德钟会先脱单？
撰文： 邝钰莹
出版：更新：
《跳跃生命线》成近年大台高收视之作，剧中饰演两兄弟何广沛和罗天宇率先发展“感情线”，连send个message都要笑瞇瞇，基情满满令唔少网民都感受到𠮶股sweet。另一边厢，刘佩玥、何广沛，马德钟同张曦雯呢两pair人，亦似乎酝酿到时候。相信唔少观众自从睇到张曦雯饰演嘅阿Man入住“麦”家之后，都默默期待著佢能够令麦Sir忘记过去。
而今晚𠮶集（第19集)，二人感情终于向前迈进一大步！剧情都系老老土土𠮶啲：麦Sir由于唔小心整烂阿Man副眼镜，于是就带佢去配眼镜，而期间一个不经意的对望……就喺返屋企途中，阿Man主动向麦Sir示爱，并透露原来佢曾经有旧患，将来有可能会失明……之不过，阿Man表白完之后，似乎又有另一个重要嘅决定，麦Sir可唔可比少少油做啲嘢呀!