【开心速递】与潮伟修成正果？滕丽名：大家最期待嘅嘢应该会出现

滕丽名（阿滕）今日（27日）出席《爱．回家之开心速递》万圣节活动，一众演员上台玩游戏时场面混乱，阿滕和汤盈盈更是互相“攻击”对方，连阿滕都忍不住吐嘈：“佢一向都好憎我㗎啦！不过讲真，盈盈系我识咗最耐嘅朋友，因为我地一齐读艺训班，所以我哋台上有几咁玩得，就反映我哋台下有几Close，因为知道大家底线。”

提到万圣节临近，阿滕有否和老公庆祝的计划？“以前细个就钟意去攞糖，但依家已经唔系细，大人个啲落bar饮酒又唔系几啱我，所以都唔会点庆祝。”

另外有追看《 爱．回家之开心速递》的读者应该知，“潮伟”袁文杰同阿滕饰演的熊尚善组成“熊潮”CP最近强势回归。阿滕又觉得这条感情线如何呢？“我自己觉得呢条Line好浪漫，始终冇经历过傻强，都唔知道潮伟嘅好，人系要失去先识珍惜。原来有好多人都咁渴望我地个角色系埋一齐。袁文杰除咗呢套其实仲有其他戏要拍，但今次我Feel到我哋默契明显好咗，下星期慢慢会‘埋线’，大家最期待嘅野应该都会出现。”讲到那么神秘，究竟阿滕口中的惊喜会是甚么？支持“熊潮”CP的朋友要留意啦。