【开心速递】Terry为结婚好悭家：只买生活必需品，3餐$100内搞掂

于无线处境剧《爱．回家之开心速递》中饰演Terry一角的李伟健，日前（14日）与拍拖15年的圈外女友Bo结束爱情长跑，举行婚礼，婚宴获该剧一班演员以及TVB艺人好友拉队到贺，场面既热闹又感动。伟健公开多谢老婆表示：“好多谢佢，肯陪我挨穷，我穷咗咁多年，佢都一直陪喺我身边，对我不离不弃，支持我，真系好好。”既然老婆咁好，点解他又不早些娶对方？他说：“想储多啲钱先，希望可以畀到好啲嘅生活太太。”而他原本也没有预算婚宴可以延开22围，谂住只摆几围同至亲食饭就算：“‘开心速递’真系帮咗我好多，令我多咗好多工作，依家都唔系话赚好多钱，但起码生活无以前咁艰苦。”

其实伟健为了要同老婆结婚，多年来的生活都好悭俭，好努力储钱，到底Terry有多悭家呢？他说：“我平时除咗去超市买日常生活嘅必需品，基本上都唔会买其他嘢，一日三餐系$100内搞掂，尽量节省开支，用晒啲钱嚟储。”他如此悭家，当然亦不会有甚么物质生活享受，难得是他太太从没有要求过甚么，即使过时过节又或是有甚么纪念品，他也不用刻意去买礼物：“一齐食餐好啲嘅庆祝佢已经满足。”

原来他同老婆拍拖呢15年来，两人只去了5、6次旅行：“都系头𠮶几年去过泰国、马来西亚同台湾，中间有几年都停咗，因为要留返啲钱嚟出书，系近呢两、三年先有再去返旅行。”相信对于一众热爱去旅行的人来讲，真系好难想像无得去旅行的日子怎么过，甚至完全接受不了。不过伟健的老婆却是零怨言，对老公的穷一直都好包容和体谅。他现时的经济状况和生活已比以前有所改善，他亦希望能够每年都同太太去一次旅行。他又谓老婆并无讲过甚么令他好感动的承诺，因为已经用行动来支持他了，15年的青春都押上了，难道还不够吗？

一齐睇下佢同太太几咁sweet！