【再创世纪．专访】杨怡接受唔到老公偷食：冇㗎啦，冇take two！
《再创世纪》中的章明晞（杨怡饰）心狠手辣，为求目的不惜牺牲身边的人，虽与贺天生（郭晋安饰）结婚成为夫妻，最终却反目并出卖他。当然，现实还现实，戏还戏，杨怡与章明晞的性格实在是南辕北辙。
“我现实唔系一个好有野心嘅人，大家都知㗎啦，我系比较一步步嚟。”1999年成为TVB艺员之一，与很多艺人一样，她的演艺之路并非一步登天，而是从低做起。20年前初入行的她只是《万千星辉贺台庆》中的“欢乐小姐”；经过20年后，终于成为了电视台“一姐”，同时也成为了TVB首位的“大满贯”（包揽无线所有四大组别奖项女演员），但她却选择在事业的高峰点离巢。
我觉得做女强人好痛苦。我唔系一个小女人，我只系一个普通人，亦都系一个事业女性。
因为结婚才离开TVB？还是因为离开才结婚？ 两者都不是自古爱情、事业俩难存，尤其是华人社会中的女性更甚。2016年杨怡离开工作18年的TVB，同时与拍拖5年的罗仲谦步入教堂。很多人认为杨怡在爱情与面包之间选择了爱情，不过她本人却有另一番解读。“离开TVB只系想试多啲新嘢，见多啲出面个世界。老实讲我同佢结婚都冇Plan。我觉得𠮶时再唔走，就只会拍剧拍剧拍剧。感情进一步咪系结婚啰，同时又可以多啲时间照顾屋企，𠮶时我都冇同公司讲。只系觉得Timing几好，咪结啰。”套用一句说话形容就是：“没有最好的时机，只有最适合的时机。”
我辛苦佢咪唔使做啰，有时连开7日，真系好攰，但倾电话时知道佢睇紧电视或行紧街，咁就足够啦。
杨怡“黐家”的理由，可能是因为他杨怡的婚后生活，还是一如以往的忙碌。不过忙碌的工作中，杨怡却多了一个挂念屋企的原因。“如果以前有魄力嘅，（拍剧）一套嚟一套去，我会觉得时间过得好快，但系宜家去大陆拍剧，一去就去3，4个月，对我嚟讲我又未必想逗留得咁长。几个月可能返得嚟一次，我都试过留喺大陆拍剧，一拍拍3个几月。我好黐家㗎，我真系好挂住屋企，会成日谂：‘几时拍完吖？’但系又好有动力㖞。即系会每日都数住日子：‘哎呀哎呀，今日完啦完啦。我今日拍埋呢场，听日又一集啦。’会好有个动力鞭策自己快啲拍完。”
杨怡爱上老公罗仲谦的一刻谈起杨怡和罗仲谦相识的当初，以至那个让杨怡心动的“Magic Moment”，杨怡却笑著说：“冇㗎㖞！”但聊著说著，杨怡又记起了一次中秋节发生的事。“我记得有一次佢系几细心嘅。𠮶日佢知道我哋拍到好夜，唔知系咪专登啦，佢明明已经走咗放工㗎啦，佢都返转头买生果送俾大家食，又买埋啲蛋糕返嚟。我𠮶时就觉得：‘吖，呢个男仔几好㖞，都几nice。’吖！仲有一样嘢。佢好有礼貌嘅，佢会唔该前、唔该后。宜家我有阵时都会话佢：‘唔使咁多唔该啦。’我觉得人好得意嘅，当你见到佢同人相处开心，就会好愿意接受佢。你会愿意去同佢讲嘢同佢交流。”
如果老公同贺天生一样都去“偷食”...电视剧《再创世纪》中的章明晞（杨怡饰演）与贺天生（郭晋安饰演）似生意伙伴多于夫妻，夫妻之间又各自各“揾食”。现实中的杨怡又接受到老公“偷食”吗？杨怡想也不想就说：“冇㗎啦，冇take two，哈哈。首先，我要知点解你要偷食先，我觉得男人，可能有时都会有一下贪新鲜嘅感觉。”杨怡思考了一会又说：“因为我有时都会问佢：‘男人点样睇女性？’结咗婚之后会厌㗎嘛，耐咗冇火花同激情，总会有啲闷。佢会答我：‘呢样冇问题㗎。’”
男人（同女人嘅关系）系咪要一定要建立喺性𠮶方面？唔系㗎嘛。
访问内容精华，请点击睇片：
杨怡：“我觉得男人嘅需要可以系，突然有一下贪新鲜。你嘅意识出轨嘅话，我觉得冇问题。我有时都会同佢一齐睇咸湿嘢或者咸湿笑话都会听，但系我相信佢唔会（偷食），如果佢真系有咁嘅情况发生，我谂...我唔知。我觉得，我对自己有信心嘅，我对佢都有信心嘅，应该唔会发生呢样嘢。唉，搞到我唔识答添。（记者：剪咗佢啰。）剪咗佢条电话线？等佢以后都充唔到电？哈哈哈。”
服装：Quarter发型：Hanmi Hair化装：TY场地：8度海逸酒店