余德丞病愈后首公开露面　蔡思贝孖住台上打情骂俏：呢啲系默契！

上月余德丞因踢足球导致昏迷入院的新闻令全城哄动，在他昏迷期间网民更一度发起集气活动，祈求余德丞可以尽快苏醒！事隔个半月左右，余德丞终于在公开活动现身，只见他精神抖擞，依然是一名朝气勃勃的阳光男孩，而且今天他更毫不避嫌地在台上向绯闻女友蔡思贝跪地献花，兼与思贝父母四人合照，场面既温馨又浪漫！德丞与思贝在台上又眉来眼去，不时打情骂俏，简直羡煞旁人！

蔡思贝抢答感情问题似代言人

活动后二人接受《香港01》访问时，被问到两位今日是否以情侣身份现身？思贝即回应：“呢个系好朋友身份！（台上不时打情骂俏？）呢啲系好拍档嘅默契！你误会咗喇先生！”而今日思贝的父母都有来到活动现场，四人更大方合照似足全家幅，问二人会否感到尴尬？思贝又抢答：“我十个有九个朋友都见过我爹哋妈咪，我爹哋妈咪好开通，好钟意同我啲朋友打成一片。”德丞接著说：“系咩？咁我都过去同佢哋打成一片先！”

余德丞感激网民集气令他苏醒

不过德丞都没有偏心思贝，借首个公开活动的机会向自己不适期间照顾过他和慰问过他的人道谢：“好多谢我妈咪同埋啲亲戚，因为我喺医院嘅时候一日三餐都照顾得我好好，喺昏迷期，都有好多人嚟探我，我好多谢佢哋，就算无嚟医院嘅我都多谢你哋啲讯息，仲有啲粉丝DIY卡，拍嘅片，同埋全香港嘅市民又为我集气令到我醒返，（思贝系第一个嚟探你？）唔系，输咗畀我经理人。”