余德丞首度开腔录音报平安：原来个心都停咗一段几长嘅时间

余德丞 (Dickson) 本月初因踢波时突然昏迷而被送入玛丽医院深切治疗部，情况更一度危殆，幸好之后脱离危险期，并转到心脏科病房观察，余妈妈亦透露仔仔Dickson已在逐渐康复中。而仍在医院留医的Dickson日前又于好友邓佩仪 (Gloria) 的IG上留言。今日Dickson就透过Big Big Channel首度开腔录音同大家报平安。

Dickson表示：“HELLO！我系Dickson，咁多位大家好，我觉得我今次真系好好彩，非常之感恩，非常之开心，今次可以大步槛过醒得番，再同你哋讲嘢，衷心多谢全香港每一位嘅关心、问候、祝福同集气，令我能够醒得番！所以，真系好衷心咁多谢你哋。当我醒番之后先知道原来件事几严重，因为我昏迷时候，原来个心都停咗一段几长嘅时间，所以能够企得番身，同大家倾偈真系好好彩，依家我慢慢康复，精神都好咗多好多，讲嘢都清楚咗，当然，医生都建议要留院多一段时间， check清楚身体系咪ok先可以出院。”他又多谢医护人员以及家人朋友同事等，话希望可以快些出院同大家见面，有新消息会再通知大家。