【过街英雄】森美搽油爆衫睇到男同事哗哗声　黄翠如赞：好性感

《过街英雄》由森美及黄翠如担任男女主角，相信有不少人都相当期待，此剧讲述由森美饰演的“唐亮星”是一名拥有异能的超人，并会使用能力查案。日前（9月1日）黄翠如出席化妆品活动时接受《香港01》访问，她说：“宜家日日都忙紧拍《过街英雄》，佢系一个有老鼠能力嘅超人，佢有老鼠嘅听觉同埋可以老鼠咁跑得咁快仲有速度。”众所皆知，森美本人除了口才了得又靓仔之外，还拥有一身疯魔万千少女家庭主妇以及令雄性动物都羡慕的肌肉。当然，今次森美主演《过街英雄》的话亦不会吝啬骚下肌肉益街坊。

黄翠如透露：“佢骚肌肉𠮶场其实已经拍咗，𠮶场讲佢要牺牲色相吸引啲饥渴嘅女人，所以佢就除晒衫。其实佢本身已经好大只，但系打完灯我哋就‘哗’咗出嚟，之后仲叫佢搽埋油，好性感！佢线条好靓，但系佢话已经冇操㗎啦。因为𠮶场系拍之前几先临时加，佢唔使keep仍然仲有呢个身型，好厉害，一除就已经好大只啦。（有冇少少忍唔住？）冇吖，我系全程都有望住个mon，但系冇近睇啰。（布冇女同事尖叫？）男仔居多嘅，森美一除大家都喺度‘哗’，因为场戏讲咗佢要除件恤衫，但系件恤衫好紧又有少少擘开咗，所以以男人嚟讲系性感嘅。（好有画面！）总之就系件衫爆开咗之后入面好多油啦。”

谈到今次合作拍剧，黄翠如说：“剧内其实我系做上靶位，因为套戏讲我有佢痛脚，而戏外，其实我哋好好，会倾好多唔关事嘅嘢。譬如会倾下营养嘅嘢，又或者个人点样先至会开心，佢有倾佢之前嘅经历，又或者倾旅行。因为我哋两个都钟意去旅行，我就偏向去啲特别啲嘅地方，佢就偏向去日本或是生活味道重嘅。”黄翠如更透露计划下年拍摄旅游节目：“有机会开个另类啲、探险嘅旅游节目，我自己觉得拍旅游节目要同步地有经历同感受，呢个就系我钟意嘅方向。”