【森美旅行团】孖住丁子朗浸浴　 森美：毛巾遮住嘅地方我强过佢

森美今日（14）现身红磡“时光倒流打工仔”活动。无线旅游节目《森美旅旅行团2》昨晚首播，节目中森美单飞从多角度介绍日本京都地道美食，未见三只娃鬼麦美恩、吴若希、丁子朗随行。

森美表示：“因为好多人睇咗第一辑，好多人话好想睇我一个人呀，因为呢个喺旅游节目，当我一个人时，就会讲好多地道文化，我好钟意食啲乜嘢呀，好似琴晚𠴱集讲食蛋嘅，好多人平时去旅行唔知嘅，京都玉子蛋做嘅味道清淡啲啦，东京做比较甜啲浓啲嘅，如果有佢地喺度，就会成大班人喺度玩，玩嘅时间会比较多，所以好多人想只想睇我一个人做节目，所以头集同尾𠴱集，都会安排我一个人做。”

今晚呢集《森》预告片，见到两位型男丁子朗同森美在镜头前大show肌肉，赤裸亮相浸浴，因尺度问题重要部位打咗格仔，观众冇缘一睹雄风。森美笑言：“我只能够讲电视尺度唔能够讲太多，人哋点浸浴，我哋就入乡随俗点都要啦，我望住阿啷啷（丁子朗），我只能够讲，我喺毛巾遮住嘅地方我Fit过佢，毛巾以外佢Fit啲。我身型冇丁子朗咁Fit，我拍咗呢个节目肥咗10磅，好在我系拍饮食加游玩节目，所以相比斋拍饮食节目好好多。”