【森美旅行团】丁子朗健硕身型有代价：一星期狂食20只鸡蛋

主持人森美、麦美恩、丁子朗、吴若希今日（24/8）出席无线饮食节目《森美旅行圈》祝捷会，首集最高收视23.7点，第二集更有25.2点，创下全年最高收视综艺节目。吴若希笑言：“攞到个咁好成绩非常喜出望外，去到第二集我地出场，拉高咗成个收视，完全喺我地嘅功劳，我地同Mayanne做节目好开心，佢个人就喺一个乐趣，成日都做错嘢，好“傻大姐”嘅感觉，喺好开心嘅。”

丁子朗在节目中，同森美一齐浸浴，两大型男一齐show肌，甚为吸睛。原来子朗为咗呢个旅行团，地狱式训练操肌。子朗直言：“当我接到话要参与呢个节目时，冇人同我讲会浸浴或者裸露身体，但心谂：“如果到时要除衫拍咪出事。”因为森美个身型劲靓，所以我用咗两个月时间去操肌准备，每日用两个钟，差不多练足一星期，每日狂食鸡蛋白二十只。之后到拍真喺要除衫，好在有准备，自己都觉得冇白费到心机，拍出嚟效果都好好。”