【早霸王】交友apps识女唔知样照约见面　森美：要有份勇气

又系《早霸王》“你知道唔知道有人挂住你”环节，今次男主角阿星透过交友apps识咗一名女友……不过，一听到“交友apps”呢几个字，森美都即时十分谨慎：“有无check过对方男定女?”、“对方有无男/女朋友?”通过“审核”之后，阿星就话三个多月前于交友apps遇上了她，大概倾谈了个多月才得到对方电话号码，并相约见面，而喺呢个过程中，大家都唔知对方系点样，听到呢度，连森美都不敢大赞阿星超有勇气，并送上掌聱鼓励。

阿星之所以咁勇，系因为佢觉得同对方十分啱倾，“见到佢𠮶刻好有亲切感，好似中学同学咁，之后有keep 住出街食饭。”虽然听落都好大机会表白成功，但原来仲有下文，阿星话前阵子同对方一齐去睇星星，期间当然就有拖吓手咁啦，点知……“捉咗佢十秒就佢松开咗。”回程中，阿星表示同对方都有讲有笑，但就唔敢追问“松手”原因。但之后女方态度突变，WhatsApp已读不回亦都唔听阿星电话，直到几日前，女方表示：“其实我都唔系你边个，你唔需要挂住、同担心我。”到底系乜原因令到女方态度突变呢？电话虽然接通，但好快就被cut线，留下充满黑人问号嘅主持同埋男主角阿星……