【早霸王】空姐空少好多花边故事　靓仔夜晚有女敲酒店房门？

又到《早霸王》的“你知道唔知道有人挂住你”环节，之不过，今集真系好闷好闷同好闷，连森美都连番抗议，说话今日打上电台嘅女主角阿佩，主要系想多谢老公由拍拖、生小朋友都对佢呵护备至，不过当问二人的爱情故事时，阿佩就唔系好讲得出，只系话当年在外国读书时，老公一有时间就飞去探佢，又试过圣诞节时，一齐去德国，佢口中嘅 “好sweet”，相信只有佢先感受到。

而唯一令森美声线提高嘅，就系听到阿佩话老公系“空少”！长久以来，空姐同空少的生活一直都被视为“多姿多彩”，而森美更话曾经听闻高质空少一落机返到酒店之后，空姐都会斗快去敲门，咁到底阿佩老公又有无试过被敲门呢？“总有花边故事，但唔系敲门。”之后阿佩更表示：“有可能唔系净系空姐呢，空少都有敲空少门。”敲门做乜呢？怕且画公仔都唔使画出肠吧。反正，阿佩同老公已经组织了一个幸福小家庭。至于呢名空少求婚，就并非在万尺高空之上，而系南丫岛，call齐亲朋好友，set埋投射萤幕……讲到呢道，森美又再忍唔住呻闷，更叫阿佩将来唔好教小朋友作文，因为一定好低分。