【港姐2018】童铭欣曾打工洗厕所　弃地产分析“Dream Job”参选

《香港小姐竞选2018》每年都吸引来自不同行业的美女参加，20位参选佳丽之一的12号童铭欣（Christy）就是一名酒店地产分析师。童铭欣接受《香港01》访问时解释酒店地产分析师的工作：“其实呢份工系我大学时嘅dream job，不过我大学都唔系读酒店。譬如有间地产商或者政府想起间酒店或者渡假村嘅时候，就会揾我哋呢啲顾问，我哋就会做份报告畀佢哋，话俾客户知个project回报有几高。”

童铭欣（Christy）续说：“我之前做过嘅project系香港又有，斯里兰卡又有，澳大利亚都有。（香港多唔多呢一种公司？）我哋呢一间公司算系行内最出名最专业嘅一间，因为普通地产顾问可能系做比较多商场或者住宅，但系如果系酒店，就系我哋呢间。”乍听之下童铭欣的职业是属于高薪一族，但原来她的工资只有大概两万上下。“（酒店地产分析师）系我第一份工，dream job嚟嘅。因为我好钟意酒店，我细细个住酒店嘅时候，就觉得酒店好靓。我仲记得细细个清洁姐姐帮我执好间房之后，我仲会画个公仔多谢佢。”

童铭欣更透露入职前更试过洗厕所。“之前我系喺酒店入面工作，咩部门都做过，front-desk（前台）做过啦，house-keeping又做过，即系执房，洗厕所我都好似洗过一次，哈哈。我𠮶时系做assistant mananger，所以返工嘅时候有时都要帮手执房。”