【港姐2018】18号高育英否认自资百万出碟　自爆从未拍过拖

2018香港小姐20强已经诞生咗一段时间，今日（26日）一众后选佳丽就为特备节目《美丽120秒》拍摄外景。台湾妹（18）高育英（Kelly）就透露自己爸爸系香港人，妈妈系台湾人，而自己就系澳大利亚长大，但一到假期都会返香港。

早前被爆喺台湾出过道做歌手，Kelly都直认不讳，但佢就澄清并无自资数百万台币为自己出碟，佢话：“其实我好钟意唱歌，好钟意表演，所以有去学唱歌。学唱歌的时候，有个制作人想我帮我出唱片，我都认同，所以就去试下。（父母都有份投资？）无呀，系经理人出。（父母一蚊都无俾过？）无。（都好支持你？）小时候已经好支持，我都好多谢佢哋。”Kelly又指自己从未放弃歌手梦，希望有更多机会表现自己。

至于被指出身富裕，佢就话：“系卖海鲜，普通啰，一般家庭，我们都好努力。”问到有佳丽为咗参选同男朋友分手，Kelly笑言自己无呢个问题：“我无男朋友。（咁三个地方钟意边度男仔多啲？）我都无男朋友过，其实我无谂过，但我觉得都OK啦。”