【港姐2018】Honey不介意大众对健康肤色女仔睇法：我经历咗好多

今届《香港小姐2018竞选》入围佳丽可算是各有特色，尤其是肤色方面更罕有地出现一身古铜色皮肤的“美人鱼教练”何泳芍（Honey）。虽知道历届当选港姐大多拥有雪白肌肤，所以古铜色皮肤的Honey相比之下可能较为输蚀。14号的何泳芍（Honey）接受《香港01》访问时就表示，自己参选是另有目的。

Honey说：“我参选原因系因为想改变大众对我哋健康肤色女仔嘅想法，所以我就同咗妈咪讲我想参选，而佢都好支持我，就做咗我提名人。”她更透露，由小学就拥有健康肤色的她其实听过不少冷嘲热讽。“我细细个就开始操水，所以肤色就偏向健康色，不过我肤色就唔系天生嘅。（细个有冇人话过你黑妹？）有好多，更加难听嘅说话都有。（例如？）嗯...黑过旧屎𠮶啲啰，好似朱古力咁样啰。（你𠮶时心情点？）其实我细个自信好唔够，之后去咗美国读书一年，发现原来𠮶边嘅人好欣赏我呢种肤色，然后我先再慢慢建立返自信，所以我都经历咗好多。（想唔想白返啲？）其实都有尝试过，但系自己真系好热爱潜水同游水，所以都冇刻意，或者咁讲，我唔会为咗人哋想法而放弃自己钟意做嘅嘢。”

至于为甚么何泳芍的英文名叫做Honey，原来又有个故事。“个名系细个嘅时候朋友改，因为细个嘅时候我成日俾蜜蜂针，哈哈，所以佢哋成日话我俾蜜蜂追住，慢慢就叫咗我做Honey。”