【兄弟大茶饭】曹永廉强吻“送水辉”：我想试下男人咩味道

无线综艺节目《兄弟大茶饭》将于下星期一（三十）晚首播。“好兄弟”萧正楠，曹永廉联同余诗霆及胡美贻主持出席尖沙咀举行记者会。为咗今次拍摄，众人远征至新疆沙漠、横掂、深圳亲手炮制“大茶饭”给每位演员及工作人员。

煮嘢食对萧正楠来讲一啲都冇难道，贵为汉堡店老板，近日在《big bigchannel 》上架，销量如何？正楠话：“真系好多谢Tony呀，翠如，阿廉呀佢哋帮手，因为𠮶日我上咗杭州拍嘢唔喺香港。”旁边阿曹话：“佢距离上市不远，一间变两间，三间变四间，哈哈！”洪永城在节目打趣笑萧正楠：“拣汉堡包就有taste，拣女朋友就差啲。”正楠回应话：“呢啲嘢系佢讲啫，我唔畀意见啦，呢啲咁小丙嘅说话，我唔答咀啦，哈哈。”

此外曹永廉喺《big big channel》节目强吻“送水辉”许家杰，“大小姐”林淑敏即是还击强吻曹永廉，阿廉真系又食又拎。“我想试下送水辉，试下个味道，睇下自己会唔会上瘾，好在我冇上瘾，阿淑敏锡我𠮶一啖系迟咗二十年，后生啲系好啲嘅。”阿廉咁锡法老婆有冇诈型呀？“我哋做呢行有个好处，就系钟意锡男又得，锡女又得，你都冇我符㗎，揾食啫，佢哋都唔会介怀嘅，我亦都唔会理佢哋介唔介怀嘅。”阿廉笑住望住正楠话：“佢镜头后锡唔少啦，哈哈。”