【公公出埠】曹永廉帮郑嘉颖清屎　萧正楠一提婚事劲敷衍

由黎耀祥（祥仔）、曹永廉（阿廉）、萧正楠 （Edwin）同黄浩然做主持嘅《公公出埠》接捧《Do姐再Shopping》，４个去到泰国布吉玩乐之余，亦不忘分享吓心事，间中再互串一番，都几好笑。

而寻晚（19号）一集，阿廉被拣中要分享“做过最呕心的事”时，佢就提到20几年前，成日都同郑嘉颖一齐出去玩，试过有次玩玩吓要走火警，后来发现原来系虚惊一场，准备上楼继续玩时，郑嘉颖发现自己原来踩屎！“当时佢穿爬山鞋，鞋底有很多坑，佢叫我拎嘢帮佢挑，我用纸皮对折帮佢啰，挑完之后大家走，一行到光啲嘅地方，看到我成面都系屎。”阿廉话原来挑屎时一直溅到自己身上，甚至“无为意口唇入面有啲嘢”，结果“全面全身都系屎”，见黎耀祥等人笑到拍晒手，阿廉即问“你哋食过屎未呀？”

节目尾声时，黎耀祥、阿廉同黄浩然讲到一个好的家庭对事业有帮助，更叫萧正楠好好谂一谂，但阿廉不忘搞笑话：“你可以有小朋友先，再结婚都得。”但萧正楠就有啲敷衍咁表示：“得啦，有分数。”