【公公出埠】黄浩然同萧正楠合力串曹永廉　阿廉无瘾黑面嬲猪

继《Do姐再shopping》后接棒播出的无线纵艺节目《公公出埠》已经播出了第一集，成个感觉就是充满了兄弟情，如果钟意睇一班老友去旅行的真人骚，但又嫌《胡说八道真情假期》太过嘈，Do姐的介绍又太过资讯性有些似跟稿读，咁呢套公公就无以上的问题喇，而且因为主持的黎耀祥 (祥仔)、曹永廉 (阿廉)、萧正楠 (Edwin) 同黄浩然私底下真系好好朋友，完全可以感受到同老友出游那种爽歪歪的开心，他们此行的目的地就是泰国布吉。

网民同观众都大赞四个人表现得好真，就好似他们平日聚埋一齐倾偈咁，令人睇得好舒服。不过成集最吸睛的绝对是黄浩然在开场无耐就半裸上身爆肌喷水的一幕，呢个镜头好珍贵，只得一秒，要望实先睇到。42岁的他依然keep得劲fit，成排朱古力出晒来，系正嘅！而Edwin都有晒心口，见他的胸肌都胀卜卜有些睇头，但就当然不够黄浩然咁抢Fo啦。

今集都有不少笑位，他们四个交换礼物那part就最好笑，系咁互相叫契弟，黄浩然话：“呢条弟食水咁深，1000泰买张咁嘅嘢，大佬呀。”阿廉就话：“买只介指黎畀我陪葬呀？谂𠮶条友我希望佢今晚肚疴呀真系！”他自己送了件写住“76”的T恤给祥仔，好抵死，当Edwin叫阿廉试戴他送的耳环，阿廉即串他说：﹝我买条底裤俾你，唔通你又试畀我睇呀？”不过原来在镜头背后，Edwin同黄浩然就因为夹埋串阿廉而搞到他嬲嬲猪，但老友嬲一阵就算啦，无隔夜仇嘅。