【早霸王】男听众唔肯断联前度　现任拒再比机会： 我哋分开左啦

星期五限定的《早霸王》“你知唔知道有人挂住你”虽然成功撮合过唔少情侣，但当中亦有失败例子，就好似今集男主角Gary，电话一接通，佢就表明系想同已经分手两个月嘅女友复合，但都不禁表示“我知难度好高。”Gary透露分手导火线系因为前度的出现。“前度一直想复合，有要求见面，我一时心软……”Gary都未讲完，森美就已经话“男人系心痕架啦”Gary之后更指同前度见面时，将现任留在家中，而原本打算见吓就算，结果见足成晚，但佢就发誓无做出坏轨行为，女友当然嬲到出烟，但因为太爱的关系，所以二人好快就和好如初，而Gary亦应承女友唔再同前度联络。

之不过，前度好似唔死心一样，继续有揾Gary，亦好快咁被现任发现。“佢接受唔到我同前度联络，我有话佢知系因为公事，佢觉得我呃佢，无话佢知我有回复前度嘅讯息。”既然系清白，但又要忍瞒，男人是否都一样？！森美就话“前度都要关心，但当爱情无咗之后，前度就唔会再系朋友架啦。”与此同时，森美就觉得现任似乎几大醋意，Gary就话“因为佢想百分百占有我，同埋佢得23岁。”并谓提出分手前，现任曾经提议约埋前度出嚟讲清楚，但Gary认为无必要所以作罢。
 

森美认为箍煲机会唔系无，电话接通后，Gary情绪似乎有少少激动，但都将情深说话讲出。“我系Gary，有无赫亲你？对唔住，我知道唔应该再揾你，因为大家都想复原，但再唔揾你我哋感情真系无，其实我一直好挂住你，我知你一时间唔可以接受我，或者我哋可以比个机会大家？希望你可以原谅我，下星期一齐去睇show，你愿唔愿意？”虽然电话另一方好冷静咁话：“我哋分左手啦。”但Gary都不愿放弃，并要求对方比多次机会，但最后仿然系换来再一次失望。“其实机会一次一次咁畀你， 我哋分开左啦……”前度永远是爱情的最大威胁者，既然Gary讲到咁爱“现任”，又何必同前度继续联络呢，就算say个hi都系死罪嚟架。