【早霸王】拍拖10个月嗌分手　男听众指死因系无楼无将来

又到星期五《早霸王》嘅“你知唔知道有人挂住你”环节，今期主角Calvin过去三年speed dating多达50多次!点解会咁热衷于speed dating呢?佢就话因为想揾到爱，而除咗speed dating之外，佢都有试过用唔同方法去结识异性，但都唔系应work，直到去年，Calvin终于遇上了她!不过，甜蜜过后，二人之前因为一啲小事而分手。“大家都转工，佢因为新工唔开心，比人恰，我又帮佢唔到，就系因分手，佢唔比我揾到佢。”

Calvin口中所指的小事其实纯粹系同女朋友讨论，转工时如果需要查核资历时，应该填写边知位联络人最好……咁都要嗌分手？！Calvin终于讲出唔少情侣都面对的难题:“无楼令佢觉得无将来、佢有讲过希望有自己嘅家。”又系楼!呢个话题其实都出现过《早霸王》好几次，森美听到都有少少感慨，并表示：“依家买楼谈可容易，我都系靠父干。”虽然Calvin表示有为将来而努力甚至转工，但旧爱仍然觉得不足，一句谓晒，唔上进啰。森美话：“唔上进其实一开始就会发现，但佢爱你时系睇唔到缺点，大部选择来至情绪。”又真中晒point㖞。

之不过，楼真系唔系话买就买，连森美小仪都觉得女方回心转意机会好微，但森美就认为“唔好放弃爱一个人，知道失败原因再向前冲，就算将来佢真系比人追咗，话唔定你已经有层楼呢。”电话打通，可惜Calvin旧爱阿欣就话因为工作中唔方便讲电话……Calvin只能留言:“你成日都问我如果分手后，会做啲咩疯狂事，我谂就系今次透过大气电波同你表白，你成日话我把声好迷人，不过你经两几星期无听过我把聱啦，如果再有一次机会，我依然会奋不照顾身咁爱你……”唉，讲咁多，努力工作揾层楼先啦。