【BB来了】Ali同学张韦怡曾遇“地狱陪月”：佢搞到我个仔生粒粒

小品剧《BB来了》自首播以来反应甚佳，引起不少妈妈有所共鸣，今晚（13日）李佳芯（Ali）便不幸遇上疑似“地狱陪月员”许朗（姚嘉妮饰），令刚刚出世的囡囡允猪可能接触到甲型流感病毒！虽然“地狱陪月员”看似剧情需要而创作出来，但他们却是确实存在，社交网站facebook上便有一个名为“香港陪月黑名单”专页，让一班妈妈互相提醒。而在《BB来了》中饰演陪月学员的张韦怡（GoGo），4年前亦遇上过一名极品级的“地狱陪月员”。

经常在剧集演出的GoGo在4年前诞下儿子Ashton，她当时便经陪月中介以月薪$38,000聘用一名24小时“金牌陪月员”三个半月，不过对方的工作表现不单止强差人意，更加是令人侧目，置BB安危于不顾：“试过仔仔喺房里面嚎哭，我哋拍极门都冇人应，最后破门而入抱走仔仔，原来个陪月食完感冒药瞓到打鼻鼾瞓到死咗！真系好唔负责任，同埋唔明点解佢要反锁道门。”

GoGo亦直言该名陪月员缺乏专业知识和操守：“个陪月员餐餐都煮同一味红枣蒸鸡畀我，明明我已经唔计补品，每日出$1000坐月餐费。一段时间之后，我先知红枣蒸鸡原来系断奶𩠌嚟，而当时我系喂仔仔人奶！同时间，佢明知我因为开刀唔食得胶质嘢，但佢又大煲大煲炆晒我屋企嘅花胶海参，美其名整畀我老公食，但佢叫埋佢个女嚟食埋一份。”

【BB来了】李佳芯演妈妈情绪起伏好入戏　生仔似走过鬼门关无夸大

【BB来了】黎诺懿爆初登人父必讲金句　妈妈群组嬲爆话“剪”咗佢

最夸张的是，该名陪月员令Ashton连环中招搞到要睇医生：“仔仔出世后6日就由医院返屋企，陪月员坚持要用洗米水开奶，之后仔仔全身出粒粒，陪月员就话佢湿疹，要浸金银花水，但几日后情况冇改善过，所以我就带咗仔仔睇医生。”医生指因为初生婴儿器官功能未完全，所以消化不了含有碳水化合物的洗米水，因为皮肤是人体最大组织，所以即时有所反应。

陪月员经历种种错失后，才向GoGo和盘托出今次是自己首次担任陪月工作，搞到GoGo非常不满：“当时我系拣咗最贵嘅陪月员，仲签咗约，即使中途唔用，都要支付全额15万几，但留佢喺仔仔身边太危险，所以我都系叫佢提早走。”记者指陪月中介或触犯法律，问该方面有否向她交代？GoGo坦言没有：“佢哋仲要话服务好坏系见仁见智！”又指事隔多年已经不打算追究，只想各位妈妈要小心拣陪月员，亦不要盲目相信陪月员的凑B方法，应该多睇多听寻求专业意见。