【BB来了】女强人忽然Bingo做妈妈　李佳芯忐忑心情网友赞有共鸣

撰文： 洪晓璇
出版：更新：
知道Bingo一刻，到底是惊还是喜？（影片截图）

多年前李丽珊喺广告中话：“养大一个小朋友要400万。”计埋通胀依家可能已经超过500万，仲要考虑识唔识教，有无人凑，好多事需要考量。TVB新剧《BB来了》紧接《宫心计2深宫计》档期播出，睇剧名就知系小品剧种，估唔到首集播出后，女士们纷纷表示好有共鸣，亲子讨论区更出现洗版式留言，大赞够晒贴地真实，Ali李佳芯完美演绎女强人忽然做妈妈嘅忐忑不安。

除此之外，父母亲之间讨论好轮流休息照顾孩子也是一个选择，比如母亲早上上班早可以由父亲帮忙给孩子做早饭，而母亲可以帮忙接孩子晚上回家等等。（电视剧《BB来了》剧照）
剧中Ali系名牌买手，日日著到好似model咁周身名牌绝不手软。（影片截图）

剧中Ali饰演一位名牌买手，食好著好出入高级场所，备受公司重用准备到巴黎受训一年后，就可以晋身管理层平步青云，呢个时候意外怀孕，面对生理同心理极大转变，Ali完美演绎女强人忽然做妈妈嘅忐忑不安。单身嘅朋友可能觉得：“边有咁夸张﹗”但正如Ali爆喊一幕所讲：“你知唔知一个女仔有咗代表啲咩呀？系事业身材样貌全部即时ALL IN呀﹗”到底有咩因素要考量呢？

另一半知道怀孕后第一个反应系咁，做妈妈真系好心碎好无安全感。（影片截图）
好多妈妈话见到Ali呢下爆喊，睇都睇到一齐眼湿湿。（影片截图）
+7

财政压力

两个人住开放式单位，出粮就买衫买酒得闲出埠，享受写意人生。但一生BB就大把钱准备要使，产检两星期至一个月覆诊一次，顺产4万开刀7万，仲要陪月、买BB车BB床奶樽奶粉……净系陀BB十个月加出世，已经要使十几二十万，原来嘅中产生活肯定成泡影，无准备下的确好大打击。

除咗一般产检，仲有好多检查需要做，好似呢款无创基因检测，由四千至七千不等。（影片截图）
辛苦揾来一铺清袋，又真系唔到佢地唔担心。（影片截图）

身体变化

Ali剧中摆明系样靓身材正嘅女强人，但怀孕后面对身体变化，小肚开始遮唔住，块面又暗又多粒粒，陀仔个鼻又红晒，由S身型著咩都咁靓，变到只能著松身衫裤，化妆染发都怕有化学物质影响到BB，由一个靓女变成肥师奶，对女士来说真系严重打击。

虽然就咁睇Ali仲系好靓，但现实中孕妇因为荷尔蒙影响，外表真系会好大改变。（影片截图）
呢堆事如果全部发生，点可能唔吓到面青。（影片截图）
+1

赔上事业

虽然话依家政府都提倡家庭岗位平等，父母都要负上照顾小朋友嘅责任，但有啲事爸爸永远都帮唔到手，好似去产检妈妈一定要去爸爸唔使，生仔时嘅痛楚，坐月时返唔到工。剧中Ali本身备受公司赏识，准备到巴黎受训一年，意外怀孕后，无论系陀紧BB定坐月，都唔适合于外地逗留太耐，只能放弃晋升机会，对奋斗多年嘅事业要忍痛放弃机会，的确相当痛心。

温裕红饰演Ali上司，系新时代女性代表觉得唔应该为生bb放弃事业。（影片截图）
不在计划中怀孕，又要放弃大好前程，心乱如麻实属正常。（影片截图）

长辈压力

剧中Ali一向自食其力靠自己赚钱改善生活，嫁俾算有啲家底嘅黎诺懿后，饰演佢奶奶嘅Madam Lo经常以“生仔就帮手俾首付”，利诱新抱生仔，令Ali相当反感。饰演Ali妈妈嘅陈秀珠又经常催个女生BB，成日觉得自己凑大十几个BB又读咗陪月，一定无问题，但被Ali发觉原来好唔专业，生咗都唔放心俾阿妈凑。

【BB来了】黎诺懿爆初登人父必讲金句　妈妈群组嬲爆话“剪”咗佢【BB来了】李佳芯卢宛茵展婆媳大战　新抱奶奶永远睇对方唔顺眼？
成日俾奶奶用钱利诱生仔，令Ali相当反感。（影片截图）
陈秀珠声称有陪月资格，但原来系伪造推荐信，Ali又点会放心交低BB俾佢凑。
怀孕时BB忽然离去，呢一幕令妈妈们都心碎了……（影片截图）