【BB来了】黎诺懿背妻偷食范文雅　戏内被胸压：我唔敢话畀老婆知

黎诺懿、范文雅现身油塘举行剧集《BB来了》宣传活动。今日黎诺懿趁太太不在场偷会范文雅？非也，在戏中李佳芯(Ali Lee)饰演黎诺懿老婆，Ali Lee因忙拍《白色强人》而缺场。

人夫黎诺懿在戏将会与范文雅有场火辣辣情欲对手戏。诺懿透露因为呢场戏咁火辣，唔敢讲畀自己老婆知，免得老婆大人担心，“因为呢套戏里面，有场戏要畀范文雅色诱我，仲要女上男下，胸压住我系张办公台上，搅到我拍摄时我都唔知自己对眼望去边好。”在拍摄时咁挑逗性，有冇生理反应？诺懿笑言“虽然文雅本身系个性感尤物，生理反应紧系冇啦，我有咩未见过，难唔到我嘅。”诺懿又谓“文雅在戏剧上，咁无私奉献，演出咁投入，觉得佢作出左好大嘅牺牲。”

《BB来了》剧中，范文雅饰演一位样靓身材正有钱女，系男人都会对佢神魂颠倒，戏内要色诱黄长兴、黎诺懿，对范文雅演技一项挑战。文雅表示“在拍摄时最大挑战系要著吊带丝袜，自己平时都唔会着，之后越著越少，因为片场内有好多人望住，最难系要克服心理障碍。能让自己入戏。”