【BB来了】与黎诺懿首合作成好友　李佳芯：喺心目中神一样存在

TVB剧集《BB来了》7月9日播出，黎诺懿同李佳芯（Ali）喺戏中饰演新手爸妈，拍完后二人更成为好朋友，诺懿讲到其实拍剧能够成为好朋友真系好难得：“我唔知丑当Ali系我朋友先啦，唔知佢当唔当我系佢朋友，不过拍摄好开心，大家又成日一齐食饭，呢个系好好回忆。”而Ali就表示诺懿系公司里面公认嘅好对手：“公司同事讲话妳同诺懿做对手戏呀，唔洗担心啦，诺懿佢好sweet，基本上𠮶个同佢合作完都赞佢系好对手，诺懿系我心目中神一般嘅存在。”

剧中有份演出嘅BB多达6，7名咁多，二人觉得能够顺利完成呢一套剧真系好神奇，诺懿解释：“好多时候需要小朋友做戏，但大家想一下0到1岁嘅佢哋边识做戏，我睇咗完成岀嚟嘅片，感觉好sweet，好似一家人，好难得，希望观众会钟意。”同BB做对手戏都系一件困难事，Ali就表示由佢讲冇呢个说服力，所以交由人父诺懿代答，诺懿无奈地回答：“其实真系辛苦，好多时候喺厂到等，所以我就话需要一个好拍挡辅导一下，有一场7个BB拍读书会听落好简单，但场面就唔受控制，结果最后我走咗去训，因为𠮶一日真系好攰，到我醒一刻望见Ali训咗我身边，试谂下堂堂一个女神同我训地下，呢个感觉好有趣，自己都吓一吓，不过因为有时候等BB埋好位真系要好长时间。”

问到Ali会唔会已经有想生小朋友冲动？Ali觉得同咁多小朋友合作真系够啦：“其实别人小朋友还好，但都担心会整亲佢哋，拍完我都可以番屋企休息，但拍完呢一套戏我就谂工作完后，回家仲要照顾佢，担心佢训唔好，冷亲，又怕佢唔舒服，𠮶种责任唔系开工嘅责任，所以完全未准备好做妈妈。”