【BB来了】黎诺懿同李佳芯完成不可能任务　首次合作即成为好友

黎诺懿担正男一的无线新剧《BB来了》举行收工饭，剧中一众演员包括一班BB同小朋友都有出席。做了爸爸的诺懿虽有平日有应付仔仔小春鸡的经验，但当他对住剧中的BB也并非得心应手，要同BB演对手戏充满难度。他说：“唔同自己个BB，人哋嘅小朋友好难搞，因为佢哋会惊陌生人，会扭计要爹地妈咪。今次我同Ali (李佳芯) 要5个BB做对手戏，简直系完成咗一个不可能嘅任务。我哋每日都同时间竞赛，BB每日只可以拍4个钟戏，但扣除佢哋扭计食奶换片𠮶啲时间，实质拍摄时间得返15分钟左右。”

他又话唯一美中不足要用假BB拍摄：“拍摄时间咁长，唔可以糟质啲BB，我哋已经用咗5个BB分成长阶段拍，等佢哋无咁辛苦。”今次是他和首次合作，两人更成为了好朋友：“无谂过可以变得咁熟，大家无所不谈，做咗好朋友系bonus。”除了BB，他还要同两只狼狗做对手戏，笑言：“导演将啲最难嘅对手畀晒我，令我又爱又恨。”一直想追个猪女的他表示年尾就会同老婆开工造人。