田蕊妮杜汶泽结婚13周年　放闪留言：感谢妳这十三年来的将就

一男一女喺埋一齐可以有无限个纪念日，拍拖、拖手、锡锡、结婚……好多人觉得相当无谓，但其实纪念日可以提醒大家，当初相爱嘅原因，即使生活中有好多磨擦都勿忘初心。6月7号系杜汶泽同田蕊妮结婚13周年嘅日子，今年又会点庆祝？

阿泽上载一张松郁蒙嘅相，依稀见到系老婆阿田嘅身型，留言写上：“今天是我们的结婚十三周年纪念.......曾经有人跟我说，婚姻，就是将错就错。感谢妳这十三年来的将就，祝妳健康、快乐！”简单几句已经感受到佢地嘅平淡幸福。其实结婚纪念日翌日即系8号，就系阿泽嘅46岁生日，有网友赞阿泽将结婚放喺生日前一日，阿泽就覆咗句：“易记﹗”咁就唔怕唔记得啦。