【走佬去台湾】杜汶泽把妹任务轻松过关 5秒完成挑战：我出名快
撰文： 赖家杰
出版：更新：
杜汶泽早前为Viutv拍摄全新实况娱乐节目《走佬去台湾》，早前(14日)举行一个探班活动，阿泽表示：“其实呢个节目已经系上一年拍摄，不过Viutv实在太多太好嘅节目，终于排队到我啦。”
今次《走佬去台湾》还有一项挑战，就系节目组要阿泽“把妹”。不过阿泽就话呢次系一个冇难度挑战，阿泽表示：“台湾当然食同玩啦，最好沟埋女，因为Viu谂到一个玩法，就系叫我去夜店沟女同请个女仔食牛扒，原本谂住呢一part岀30分钟，但我5秒就搞掂，因为我个人岀名快。”当然阿泽表示拍摄完后就冇同台妹联络，纯粹工作。
阿泽经常喺个人社交网站发放做健身照片，而效果大家都睇到，其实阿泽咁努力做健身目标系乜？阿泽表示：“我打算系自己50岁时候去参加一个健身比赛，（操得会好辛苦？）都辛苦㗎，但系人生有几多个十年呀，五十岁之后就六十岁啦，到时就老啦，趁青春留倩影嘛。”好等睇㖞！