【走佬去台湾】杜汶泽重返避债屋好感触：冇谂过咁惨要做明星

汶泽为ViuTV主持新节目《走佬去台湾》，听个名就知唔系带大家饮饮食食啦，首集佢就去到当年避债时的藏身之所，至于点解要避债呢？阿泽就曾经话过自己年轻时因为豪赌，在一夜间输掉所有，结果要连夜逃往台湾避债，而当时佢为跟烂赌父亲划清界线，更连名都改埋。

事隔26年再次重临旧地，阿泽好快就揾返间避债屋，虽然已经成为当地议员的办工室，但都不禁有毛管戙的感觉，阿泽指当年除靠荡衫维持生计外，亦有经营非法六合彩。“试过有个客中咗，我送钱落台南，结果饮大咗同人嘈，比人打镬甘，我成日都系咁，饮醉闹事呢世都改唔到。”避债一年后，阿泽指最终因顶唔顺寂寞而离开台湾，他更表示虽然不少人觉得他一生十分传奇，但在他来看却是“平凡不堪”，更指“一直都无谂过做演员，因为自细就梦想成为黑社会大佬，无谂过咁惨要做明星。”