【某日某月】陈茵媺复出转攻拍戏指时间易就：较适合我生活！

陈茵媺（Aimee）周三晚（5月30日）出席她有份演出的《某日某月》首映礼，老公陈豪亦有现身支持。

Aimee今次在戏中扮演老师，外表老土，无论化妆和衣着都跟平日风格大相径庭，但她坦言自己没有不习惯，反而好开心：“其实我最想就系（观众）唔系好认得我，会有啲新鲜感畀观众，同埋我自己都可以比较易啲入戏，好玩啲。”

Aimee直言在拍摄期间，为了更加贴近老师的角色，都有刻意去改变一些生活中的习惯：“我平时讲嘢系好多小动作，成日郁嚟郁去，但其实鲁老师（角色名）讲嘢系淡定啲、慢啲，同埋佢啲小动作好微细嘅，所以喺𠮶段时间，我就要调校我啲声线，同埋我讲嘢嘅速度唔好咁快啰。”

Aimee今次扮演老师花了很多功夫，一点都不简单，要在温柔和严厉之间找到平衡点，她笑自己好似妈妈一样：“点样去教啲小朋友嘅时候又唔可以太恶喇，但系呢又要firm呀，又会令我谂起以前做老师嘅时刻啰。”虽然戏中的Aimee就好温柔，不过在仔女面前，她承认自己是位严母：“如果太温柔其实教唔到小朋友，咁但系如果太严格呢，其实佢哋都唔会听你嘅说话啦，咁所以我就尽量揾个中间啰，不过我觉得近排我都系比较严格啲𠮶个。”

Aimee出道以来都以拍剧为主，鲜有在大银幕上演出，不过她就觉拍剧同拍戏并无分别，最紧要是入戏和贴近角色。

Aimee称拍电影感觉好舒服，还大赞导演刘伟恒给予演员好多自由。Aimee透露现在暂时会以拍电影为主，有几个不同的剧本都在商讨中，虽然自己都好怀念拍剧的日子，但因为要照顾小朋友的关系，Aimee不可以长时间离开屋企：“电影嘅时间比较适合我而家生活上嘅environment，我啲时间比较易就啲，因为电影时间比较短啲。咁电视剧唔系话唔拍嘅，只不过话系有啲难就，三、四个月离开屋企我唔可以。”一切以仔女为先的Aimee，在工作时间上会尽量同阿Mo配合，希望两人中至少有一个可以在屋企照顾小朋友。