陈茵媺三年抱三宣布封肚唔再生：我想做返幕前工作

提到Aimee同老公陈豪三年抱三，问会否再生小朋友？Aimee斩钉截铁表示短期内没有这个打算，笑言暂时三个够数：“凑三个小朋友好辛苦，因为我同阿Mo（陈豪）好多嘢都系亲力亲为，而且我想做返幕前工作，自从上次拍电影后，已经努力keep fit，回复状态，ready复出。有报道话阿Mo唔想我复出幕前，当然唔系事实，佢知我好钟意拍嘢，佢好支持我，如果我要拍嘢，佢会负责凑小朋友，调番转到佢拍嘢，就由我凑小朋友，我哋系partnership。”

三年抱三嘅艺人陈茵媺（Aimee）日前为幼儿食品品牌拍摄广告，身为代言Aimee，拍摄期间更以牛仔look上阵，同多名小演员去到郊外取景。虽然唔少艺人都话好怕同小朋友合作，但Aimee坦言最喜欢同小朋友及动物合作。问到会唔会想同自己嘅仔女合作时，佢立即耍手拧头话：“我会集中唔到啊！”Aimee透露过往虽然有广告商邀请自己同仔女一齐拍广告，但都一一推掉，坦言：“佢哋年纪仲细，一来唔想佢哋太多曝光，二来我觉得佢哋应该以读书为先，先培养读书心态，好似我以前咁，我都好喜欢拍嘢，但Daddy唔想我心散，要我大学毕业先，之后先可以选择自己想做嘅嘢。”