胡子彤欧铠淳拍拖出活动　行外母政策：女孩子都要氹嘅

胡子彤同女友欧铠淳罕有孖住出席品牌活动，唔通有好消息要公布？胡子彤一听到就紧张起嚟话：“今晚有个好紧要嘅事情要公布，就系Auntie生日，所以一阵要同佢食饭，我地准备咗小礼物送畀佢。”氹得Auntie咁开心, 系咪行紧外母政策呢？子彤谦厚说：“唔敢唔敢，女孩子都要氹嘅，不论系妈妈，女朋友，甚至我姪女都要氹，所以我都要学下。”

欧铠淳近日在IG上放闪，show长腿就被指系“机心脚”，fans纷纷留言赞好，铠淳调皮回应：“唔关我事呀，佢帮我影嘅！”子彤笑说：“系我帮佢影嘅，成班朋友去游船河，你知女仔要贪靓啦，要影啲靓相㗎，咁我经常俾人话我影相影得差，今次OK啲啦。”所以话千其唔好自满，话口未完就俾女友窒啦：“因为你系影咗相百几张相啰。”子彤续说：“show长腿放闪，有人赞佢㖞⋯，咁梗系好啦，好事嚟㗎，我好少赞佢㗎。”氹得旁边女朋友开怀大笑。

情侣之间拍拖时候，经常做嘅事系乜？相信就系用手机影情侣相啦，铠淳坦言：“佢影相就麻麻嘅，不过佢又好肯影，呢样野就好难得，努力后天可以补救。”子彤抢说：“相唔怕影，影百几张总会有一张中，咁多位男士放胆影相啦！”成个访问完全体会到咩叫做打情骂俏！完全感受得到。